Kai lalong tumangkad

Lalo pang tumangkad si team Ignite stalwart at Pinoy cager Kai Sotto na ngayon ay may taas ng 7 feet 3 inches.

Ito ang kanyang ibinahagi sa kanyang tweet nitong Huwebes dagdag pa ang kanyang wingspan measurement.

“New Facts: Height 7’3 Wingspan 7’5 Continue to WATCH ME WORK,” sabi nito.

Sa kasalukuyan, naghahanda na si Sotto at kanyang koponan na Ignite para sa kanilang debut sa NBA G League na magsisimula sa susunod na buwan.

Tampok ang 18 koponan sa G League ngayong season na gaganapin sa Walt Disney World Resort sa Lake Buena Vista, Florida.

Ilan sa mga makakasama ni Sotto sa Ignite ay sina Fil-American cager Jalen Green, Isaiah Todd at Jonathan Kuminga. (JAToralba)

The post Kai lalong tumangkad first appeared on Abante.