SA unang pagkakataon, nagtunghayan ng mga volleyball fan ang muling pagsasama sa court nina Ateneo champions Bea De Leon, Maddie Madayag at Kat Tolentino nang lumaro ang mga ito para sa Choco Mucho kontra BaliPure game nitong Miyerkoles.
Ikalawang laro pa lang ito ni De Leon matapos magpakondisyon samantalang kakabalik pa lang ni Madayag mula sa National team na nag-training at lumahok sa ASEAN Grand Prix sa Thailand.
“Ako siguro ‘yung nahiwalay for the longest because I hadn’t been in the court. But yeah, I was really excited nakaka-miss din maglaro kasi it’s hard to be in the sidelines,” wika ni De Leon.
“I’m excited to be on the court 100% to really be with them again, kasi that’s why we’re all here para magkakasama pa rin kami.”
Pasabog ang 14 points si Tolentino, 11 markers si Madayag habang may dalawang puntos naman si De Leon kontra BaliPure.
“I think obviously it’s not the same as UAAP,” sabi ni Tolentino.
“It’s not really the same system yet cause she’s (De Leon) not yet fully ready but it’s nice to have each other and to be able to see each other and to be able to play and still be in coach O’s system. I’m so excited and we still have so much more to show.” (Janiel Abby Toralba)