Shabu sa driver’s license, rider buking

HINDI na nakapalag pa nang arestuhin ang isang 41-anyos na motorcycle rider na unang sinita dahil sa hindi nito pagsusuot ng helmet nang malag­lag ang sachet ng shabu sa kanyang driver’s license sa Bacoor City, Cavite.

shabu sa drivers license rider buking - Shabu sa driver’s license, rider buking
shabu 5 - Shabu sa driver’s license, rider buking

HINDI na nakapalag pa nang arestuhin ang isang 41-anyos na motorcycle rider na unang sinita dahil sa hindi nito pagsusuot ng helmet nang malag­lag ang sachet ng shabu sa kanyang driver’s license sa Bacoor City, Cavite.

Nakakulong ngayon sa Bacoor City Custodial­ Center ang suspek na si Choody Cruz, binata, walang trabaho, ng 16 Medicion 2B, Imus City, Cavite.

Sa ulat ni P/Cpl. Christian Jovita, ng Bacoor­ City Police Station (CPS), alas-tres kamakalawa ng hapon nang parahin ng Bacoor CPS ang minamanehong motorsiklo ng suspek habang binabagtas ang kahabaan ng Tirona Highway, Brgy. Habay 2, Bacoor City Cavite dahil sa hindi nito pagsusuot ng helmet.

Nang sitahin, iniabot nito sa awtoridad ang kanyang driver’s license ngunit nahulog mula dito ang sachet ng hinihinalang shabu na tumitimbang ng 0.8 gramo na may street value na P800, dahilan upang arestuhin ito.

Kasong paglabag sa Sec. 11 ng RA 9165 ang isinampang kaso laban sa suspek.
(Gene Adsuara)

Leave a Reply

Your email address will not be published. Required fields are marked *