Sex video gigamit nga pang blackmail sa helper nasikop

Nasikop sa entrapment operation ang usa ka helper human kini gihulga ang kanhi uyab nga kung dili mopakita kaniya iyang ipakatap sa social media ang ilang video sa Quezon City.

sex video gigamit nga pang blackmail sa helper nasikop - Sex video gigamit nga pang blackmail sa helper nasikop
ABANTE scandal 1 - Sex video gigamit nga pang blackmail sa helper nasikop

Nasikop sa entrapment operation ang usa ka helper human kini gihulga ang kanhi uyab nga kung dili mopakita kaniya iyang ipakatap sa social media ang ilang video sa Quezon City.

Subay sa report ni PCMS Prodigo Geli, sa QCPD Fairview Police Station 5, giila ang nadakpan nga si Nelson Abrazaldo Nuñesca, 29, high school graduate, ulitawo, delivery helper, taga Pangasinan ug nagpuyo sa Barangay San Jose, Antipolo City.

Sa pamahayag sa biktima nga gitago sa pangalang Lucie, 22, high school graduate, sa Brgy. Pasong Putik, QC, unom na ka bulan silang adunay relasyon ni Nuñesca ug bag-o lang silang nagbuwag.

Apan daw dili madawat sa lalaki ang ilang panagbuwag ug gipadad-an ang biktima og private message nga nanghulga nga iyang ipost sa social media ang ilang video kung dili kini magpakita kaniya.

Ang suspek mismo maoy nag-set sa ilang meeting niadtong Agosto 11, mga alas-10:45 sa buntag sa atubangan sa MC Hotel Fairview sa Regalado Ave., Brgy. Greater Lagro, sa maong siyudad.

Misugot ang biktima apan wala kini masayud ang suspek nga nakig-alaton na ang iyang kanhi GF sa kapolisan og gihimo dayun entrapment operation batok kaniya.

Gitanggong karon ang suspek sa Fairview Police Station samtang giandam na ang kasong kalapasan sa Psychological and Emotional Abuse batok kaniya.

(Jess Campos)

Leave a Reply

Your email address will not be published. Required fields are marked *