PNP: Posibleng inside job sa Metrobank robbery

TINUTUTUKAN sa isinasagawang imbestigasyon ng Manila Police District (MPD) ang anggulong inside job sa panghoholdap sa Metrobank Binondo branch sa Maynila.

The post PNP: Posibleng inside job sa Metrobank robbery appeared first on Abante News Online.

pnp posibleng inside job sa metrobank robbery - PNP: Posibleng inside job sa Metrobank robbery
metrobank - PNP: Posibleng inside job sa Metrobank robbery

TINUTUTUKAN sa isinasagawang imbestigasyon ng Manila Police District (MPD) ang anggulong inside job sa panghoholdap sa Metrobank Binondo branch sa Maynila.

Ayon kay MPD Director P/BGen. Vicente Danao Jr., napansin na madaling nakapasok ang mga holdaper sa bangko dakong alas-8:43 Huwebes nang umaga bago pa man ang banking hours na alas-nuwebe pa dapat magsisimula.

Sinabi pa ni Danao na kahina-hinala na pinapasok sa sarado pang bangko ang mga salarin kahit na naka-helmet ang ilan sa mga ito.

Pinag-aaralan na rin ng PNP kung kung maaa­ring sampahan ng kasong obstruction of justice ang pamunuan ng nasabing branch ng Metrobank dahil sa hindi agad pagpapapasok sa mga mag-iimbestigang mga pulis sa ninakawang branch sa Binondo, Maynila.

Ayon kay PNP chief General Oscar Albayalde, hindi dapat nade-delay o pinakikialaman ang ginagawang im­bestigasyon ng pulisya kapag may nagaganap na krimen sa mga pribadong establisimyento katulad ng mga mall, hotel o kahit na sa mga bangko.

Lumalabas kasi na pinigilan ng branch head ng bangko na makapasok ang mga rumespondeng tauhan ng MPD para mag-imbestiga.

Kinailangan pa ang responde ni Manila Ma­yor Isko Moreno bago makapasok sa loob ng bangko ang mga pulis makalipas ang dala­wang oras.

Dagdag pa ni Alba­yalde, ang pakikialam ng branch manager ng bangko ang isa sa posib­leng rason kung bakit walang naaresto ang pulisya sa kawatan. (Juliet de Loza-Cudia/Edwin Balasa)

The post PNP: Posibleng inside job sa Metrobank robbery appeared first on Abante News Online.

Leave a Reply

Your email address will not be published. Required fields are marked *