PH anaa sa ikalimang dapit nga dilikadong nasud alang sa medya dili na bag-o – PTFoMFS

Dili na bag-o ang ranking sa Pilipinas nga ikalima sa dilikadong nga nasud sa tibuok kalibutan alang sa mga tigbalita.

ph anaa sa ikalimang dapit nga dilikadong nasud alang sa medya dili na bag o ptfomfs - PH anaa sa ikalimang dapit nga dilikadong nasud alang sa medya dili na bag-o – PTFoMFS
report - PH anaa sa ikalimang dapit nga dilikadong nasud alang sa medya dili na bag-o – PTFoMFS

Dili na bag-o ang ranking sa Pilipinas nga ikalima sa dilikadong nga nasud sa tibuok kalibutan alang sa mga tigbalita.

Gipadayag kini ni Presidential Task Force on Media Security (PTFoMFS) Executive Director Joel Egco subay sa 2019 global impunity index nga gipagawas sa Committee to Protect Journalists (CPJ) nga nag-base sa New York, United States of America.

Matud ni Egco nga hangtud dili masulbad ang Maguindanao Massacre case ug dili mahukman ang mga mipatay sa 32 ka journalist ug mga kaubang sibilyan dili mapapas ang Pilipinas sa listahan.

“The CPJ report is not surprising and was actually expected. In fact, we have been anticipating that because for as long as the massacre case remains in the equation, following the methodology used by CPJ, we shall remain on that list,” matud ni Egco.

Ang ranking sa Pilipinas sa CPJ sukad pa niadtong 2009 diin nahitabo ang Maguindanao massacre niadtong Nobyembre 2009, ug hangtud nga walay promulgasyon ang korte bayok sa mga akusado magpabilin ang Pilipinas sa mga nag-una sa listahan.

Nasagmuyo lang siya nga wala malakip sa CPJ sa ilang report ang mga naresolbar nga kaso sa media killing sama sa pagpatay nilang Eduardo Dizon, Jupiter Gonzales ug usa ka kauban karon lang bag-o

Subay sa impunity index report sa CPJ, nag-una ang nasud Somalia sa labing dilikadong dapit sa mga tigbalita, ika duha ang Syria, gisundan kini sa Iraq, South Sudan ug Pilipinas.

Leave a Reply

Your email address will not be published. Required fields are marked *