Nakainom na rider sumalpok sa poste

PATAY ang backrider habang malubhang nasugatan ang nagmaneho matapos bumangga sa pos­­te ng kuryente ang sinasakyan ng mga itong motorsiklo sa Agoncillo, Batangas Sabado nang madaling-araw.

nakainom na rider sumalpok sa poste - Nakainom na rider sumalpok sa poste
patay 2 - Nakainom na rider sumalpok sa poste

PATAY ang backrider habang malubhang nasugatan ang nagmaneho matapos bumangga sa pos­­te ng kuryente ang sinasakyan ng mga itong motorsiklo sa Agoncillo, Batangas Sabado nang madaling-araw.

Ayon sa report ng Agoncillo Police, dead-on-arrival sa ospital ang biktimang si Jerome Mortel, 19-anyos, sanhi ng tinamong mga pinsala sa ulo at katawan.

Inoobserbahan naman ang 19-anyos ding rider na si Kevin Mercado.

Galing sa bayan ng Lemery, sakay ng Sniper 150 motorcycle ang da­lawa at patungo sa kabayanan ni A­goncillo nang mawalan ng kontrol sa manibela si Mercado at biglang sumalpok sa poste na nasa gilid ng highway alas-dos nang madaling-araw.

Palusong umano ang kalsada at matulin ang takbo ng motorsiklo bukod pa sa nakainom umano ang dalawa, ayon sa report kaya nangyari ang aksidente.

Napag-alaman na wala ring suot na crash helmet ang mga ito. (Ronilo Dagos)

Leave a Reply

Your email address will not be published. Required fields are marked *