Duterte dismayado sa PNP

DISMAYADO si Pangulong Rodrigo Duterte sa Philippine National Police (PNP) dahil sa mga kontrobersiyang kinasangkutan ng mga opisyal at tauhan ng mga ito.

duterte dismayado sa pnp - Duterte dismayado sa PNP
pnp 12 - Duterte dismayado sa PNP

DISMAYADO si Pangulong Rodrigo Duterte sa Philippine National Police (PNP) dahil sa mga kontrobersiyang kinasangkutan ng mga opisyal at tauhan ng mga ito.

Sinabi Presidential Spokesman Salvador Panelo na hindi itinago ng Pangulo ang ma­tinding pagkadismaya sa ipinatawag na joint Command Conference ng PNP at Armed Forces of the Philippines (AFP) noong Martes nang gabi sa Malacañang kung saan ibinulalas nito ang saloobin sa bumabalot na kontrobersiya sa ilang miyembro ng pulisya, partikular sa isyu ng ‘ninja cops’.

Hindi natutuwa ang Presidente sa mainit na kontrobersiya sa ‘ninja cops’ dahil dinagdagan na aniya ang sahod ng mga pulis pero nagagawa pa ring gumawa ng kalokohan ang ilan sa mga ito lalo na sa isyu ng iligal na droga na isa sa mga pangunahing kampanya nito.

“He just expressed disappointment, iyon lang ang mako-confirm ko, the rest hindi ko na ma-confirm. Expressed disappointment over certain—iyon nga iyong incident on the ninja cops. Sabi niya dinagdagan niya na nga ang suweldo, dinoble na, pero parang hindi pa rin… iyon, nangyari pa rin iyon. So he expressed disappointment with that,” ani Panelo.

Wala aniyang nabanggit kung sino ang napipisil ng Presidente na ipalit kay resigned PNP chief Oscar Albayalde na nakatakdang magretiro sa Novermber 8.
Pansamantalang officer-in-charge ng PNP si Lt. Gen. Archie Gamboa. (Aileen Tali­ping)

Leave a Reply

Your email address will not be published. Required fields are marked *