Bultong pork skin nasabat sa Laoag

AABOT sa 340 na kilo ng balat ng baboy ang nakumpiska sa isang bus terminal sa Laoag City noong Biyernes na hinihinalang kontaminado ng African Swine Fever (ASF), ayon sa Laoag City Slaughter House (LCSH).

bultong pork skin nasabat sa laoag - Bultong pork skin nasabat sa Laoag
ABANTE pork - Bultong pork skin nasabat sa Laoag

AABOT sa 340 na kilo ng balat ng baboy ang nakumpiska sa isang bus terminal sa Laoag City noong Biyernes na hinihinalang kontaminado ng African Swine Fever (ASF), ayon sa Laoag City Slaughter House (LCSH).

Ayon kay LCSH officer Shiela Rapatan de Leon, walang kaukulang dokumento ang nasabing pork skin na galing Sampaloc, Manila at ang consignee nito ay isang Alredo Rambaud na taga-Paoay, Ilocos Norte.

Sinabi ni De Leon na agad nilang binuhusan ng disinfectant at krudo bago nila ibinaon ang nasabing balat ng baboy.

Dagdag pa ni De Leon na hindi pa nila nakakausap ang consignee dahil wala umano ito sa Ilocos Norte.

Una rito, iniutos ng provincial government ng Laoag City ang mahigpit na pag-monitor sa mga pumapasok na karne ng baboy sa siyudad para masigurong hindi makapasok ang ASF ­virus sa lalawigan. (Allan Bergonia)

Leave a Reply

Your email address will not be published. Required fields are marked *