2K estudyante sa Benguet may pamaskong tablet

Matapos marinig ang Christmas wish ng ilang high school students sa Benguet, higit 2,000 tablets ang ipinadala ni ACT-CIS at Benguet Caretaker Cong. Eric Yap sa lugar.

Ayon kay Cong. Yap, “kailangan daw ng mga mag-aaral ng gadgets para sa mga research at iba pang projects na kasama sa kanilang curriculum”.

Ipinadaan ni Yap ang pamamahagi ng mga nasabing tablets sa mga mayor ng lalawigan.

“Alam ko pong karamihan sa mga taga-Benguet ay mga magsasaka kaya medyo hirap nilang maibili mga anak nila ng gamit”, ani Yap.

Nangako naman ang mambabatas na isusunod niya sa darating na taon ang pagpapalakas ng internet connections sa lugar sa pamamagitan ng pakikipag-usap sa mga telecommunication companies (telcos).

“Kailangan ding sumabay ng mga kababayan natin sa easy accessibility ng internet dahil halos lahat ng transaksyon ay ginagawa na sa pamamagitan ng internet”, dagdag pa ni Yap.

The post 2K estudyante sa Benguet may pamaskong tablet first appeared on Abante.