Mga batang inabuso makikinabang sa ABS-CBN Ball

Nauna na ngang magparamdam ng interes si Kathryn Bernardo para sa nalalapit na ABS-CBN Ball 2019. Nagpagawa na nga siya ng gown kay Michael Cinco na susuotin sa bonggang event na ito.

mga batang inabuso makikinabang sa abs cbn ball - Mga batang inabuso makikinabang sa ABS-CBN Ball
ABANTE Kath - Mga batang inabuso makikinabang sa ABS-CBN Ball

Nauna na ngang magparamdam ng interes si Kathryn Bernardo para sa nalalapit na ABS-CBN Ball 2019. Nagpagawa na nga siya ng gown kay Michael Cinco na susuotin sa bonggang event na ito.

Anyway, patuloy ang pagbibigay-tulong ng ABS-CBN sa mga taong nangangaila­ngan sa pagdiriwang nito ng 65 taong pagseserbisyo sa mga Pilipino. Sa ABS-CBN Ball ngayong Setyembre 14 sa Shangrila-La The Fort, itutuloy nito ang sinimulan noong nakaraang taon—ang magbigay ng pag-asa sa mga kapus-palad na kabataan, sa pamamagitan ng Bantay Bata 163 Bantay Edukasyon program.

Bibigyan ng pagkakataon ang mga Kapamilya star at iba pang attendees nito para tumulong matupad ang mga pangarap ng kabataan sa pamamagitan ng pagbibigay ng scholarships sa naturang ball.

Lahat ng basic needs ng mga bata para sa maayos na edukasyon mula sa kompletong tuition assistance, meal at transportation allowances, school supplies, at ibang fees ay saklaw ng programa.

Sa ilalim ng programa, mabibigyan din ng counseling at training sa basic life skills sa pamamagitan ng social work intervention ang mga bata at kanilang mga pamilya.

Kasama rin ang values formation at pa­renting sessions, o ang Resiliency Program na naglalayong tulungan ang scholars na malaman ang kanilang strengths at weaknesses; music, arts, at sports programs na magtuturo sa kanila ng kahalagahan ng disiplina sa kanilang buhay; at pati ang isang digital workshop na tutulong ding mapalawak ang choices ng mga bata patungkol sa kanilang tatahaking landas.

Sinimulan ng Bantay Bata 163 ang Bantay Edukasyon noong 1998 para makapagbigay-serbisyo sa mga na-rescue na mga bata. Simula nang ito ay naitatag, nakabigay na ito ng 6,400 scholarships sa buong Pilipinas.

Ipagpapatuloy lamang ng ball nga­yong taon ang matagumpay na nagawa noong 2018, ang pagbubukas muli ng Bantay Bata 163 Children’s Village, at ang makapagbigay muli ng bagong tahanan sa mga kapus-palad na bata.

Magbibigay-pugay rin ang ball ngayong taon sa ABS-CBN Foundation at Bantay Bata 163 founder na si Gina Lopez. Dahil kay Lopez, nakapagsagip ang Bantay Bata 163 ng libo-libong bata mula sa physical at sexual abuse hanggang sa nakapagtayo siya ng Bantay Bata 163 Children’s Village sa Norzagaray, Bulacan. Higit pa sa isang shelter at rehabilitation area ang naturang village dahil naging pamantayan na rin ito sa childcare excellence.

Nakalikom ng P5 milyon ang 2018 ABS-CBN Ball na ginamit para sa construction at rehabilitation ng village, CCTV training para sa social workers, installation ng call at paging system, library, at isang multimedia room.

Magmula nang mabuksang muli ang Bantay Bata Children’s Village noong December 2018, nakapagbigay-serbisyo na ito ng 46 na bata. Lima dito ay nakabalik na sa kani-kanilang pamilya habang 41 dito ay namamalagi sa village.

Leave a Reply

Your email address will not be published. Required fields are marked *