Korina Sanchez eeksena: Eddie Garcia pararangalan sa 3rd Eddys

Kaabang-abang ang g­agawing eksena ng ma-ganda, seksi, sikat at batikang broadcast journalist na si Korina Sanchez-Roxas sa ikatlong Entertainment Editors’ Choice o The EDDYS na gaganapin sa July 14, Linggo, 7 p.m., sa New Frontier Theater.

The post Korina Sanchez eeksena: Eddie Garcia pararangalan sa 3rd Eddys appeared first on Abante News Online.

korina sanchez eeksena eddie garcia pararangalan sa 3rd eddys - Korina Sanchez eeksena: Eddie Garcia pararangalan sa 3rd Eddys
eddie garcia - Korina Sanchez eeksena: Eddie Garcia pararangalan sa 3rd Eddys

abante paistaran dondon sermino 336x224 - Korina Sanchez eeksena: Eddie Garcia pararangalan sa 3rd EddysKaabang-abang ang g­agawing eksena ng ma-ganda, seksi, sikat at batikang broadcast journalist na si Korina Sanchez-Roxas sa ikatlong Entertainment Editors’ Choice o The EDDYS na gaganapin sa July 14, Linggo, 7 p.m., sa New Frontier Theater.

Katuwang ang Film Development C­ouncil of the Philippines (FDCP), sa pamumuno ni Chairperson Liza Dino, gugunitain ng Society of Philippine Entertainment Editors (SPEEd) ang makulay na buhay at karera ng yumaong 2018 EDDYS Icon awardee at 2019 best actor nominee (Rainbow’s Sunset) na si Eddie “Manoy” Garcia.

Sa gabi ring iyon ay maglalaban-laban at tatanghalin ang mga tinaguriang “best of the best” ng taong 2018.

Magsasalpukan sa kategor-yang best picture ang Goyo, Rainbow’s Sunset, Citizen Jake, Liway at Signal Rock.

Sina Kathryn Bernardo (The Hows of Us), Sarah Geronimo (Miss Granny), Nadine Lustre (Never Not Love You), Glaiza de Castro (Liway), Judy Ann Santos (Dalawang Mrs. Reyes), Angelica Panganiban (Exes Baggage) at Gloria Romero (Rainbow’s Sunset) naman ang magbabakbakan para sa pagiging best actress.

Best actor nominees sina Dingdong Dantes (Sid & Aya: Not A Love Story), Paolo Contis (Through Night and Day), Christian Bables (Signal Rock), Piolo Pascual (Ang Panahon ng Halimaw), Daniel Padilla (The Hows of Us), Carlo Aquino (Exes Baggage) at Eddie Garcia (Rainbow’s Sunset).

Mga unsung hero ng showbiz kikilalanin

Bilang pakikiisa naman sa selebrasyon ng ika-100 taon ng pelikulang Pilipino, kikilalanin sa EDDYS Parangal sa Sandaan ang “unsung heroes” at mga alagad ng sining na nag-alay ng ‘di matatawarang oras, lakas at talento sa industriyang minahal sa loob ng mahabang panahon.

Ang TV host-journa-list na si Lourd de Veyra ang tatayong anchor ng EDDYS Parangal sa Sandaan.

Kabilang sa mga pararangalan ang mga beteranong sina Tommy Abuel, Pepito Rodriguez, Perla Bautista, Lorli Villanueva, Robert Arevalo at Odette Khan.

Pararangalan din ang 2019 EDDYS ICON awardees na sina Amalia Fuentes, Vilma Santos, Tirso Cruz III, Christopher de Leon, Joseph Ejercito Estrada, Eddie Gutierrez, Dante Rivero, Celia Rodriguez, Anita Linda at Lorna Tolentino.

Anim pang special awards ang ipamimigay ng SPEEd sa 3rd EDDYS: Ang Joe Quirino Award (Cristy Fermin), Manny Pichel Award (Ethel Ramos), Producer of the Year (Star Cinema), Rising Producers’ Circle (Spring Films at T-Rex Entertainment), Lifetime Achievement Award (Elwood Perez) at posthumous award para sa yumaong hari ng komedya na si Dolphy.

Kuh, Ice, Aicelle, Gerald, Rayver magpapasiklab

Ang stellar performances ay pangungunahan ng pop diva na si Kuh Ledesma kasama sina Ice Seguerra, Aicelle Santos, Gerald Santos, Rayver Cruz, Lara Maigue, Bituin Escalante, Rita Da-niela, Hashtag Rayt Carreon, Jem Cubil & Andrea Babierra, Sean Oliver, RJ dela Fuente, Both of Us (BOU) at Raket Manila Dancers.

Red carpet hosts ang Kapuso artists na sina Juancho Trivino at Arra San Agustin.

Ang 2019 EDDYS ay produced ng Echo Jham Entertainment Productions, sa ilalim ng direksyon ni Calvin Neria.

Ito ay presented by Cignal TV at mapapanood sa Colours (Channel 60 SD at Channel 202 HD) sa July 21, 9 p.m.

Para sa mga interesadong manood nang live sa 3rd EDDYS awards night, maaari kayong makakuha ng libreng tickets, dalawa kada tao, sa New Frontier Theater box office simula bukas, July 9, July 10 at 12, 1-5 p.m., on a first come, first served basis.

The post Korina Sanchez eeksena: Eddie Garcia pararangalan sa 3rd Eddys appeared first on Abante News Online.

Leave a Reply

Your email address will not be published. Required fields are marked *