Arnel Pineda pinarangalan ang mga bayani ng COVID-19

Ipinahayag ng global Pinoy artist na si Arnel Pineda ang katapangan at lakas ng loob ng mga bayani ng COVID-19 sa kanyang isinulat na kantang “Your Soldiers,” na inilunsad sa ilalim ng DNA Music.

arnel pineda pinarangalan ang mga bayani ng covid 19 - Arnel Pineda pinarangalan ang mga bayani ng COVID-19
Arnel Pineda - Arnel Pineda pinarangalan ang mga bayani ng COVID-19

Ipinahayag ng global Pinoy artist na si Arnel Pineda ang katapangan at lakas ng loob ng mga bayani ng COVID-19 sa kanyang isinulat na kantang “Your Soldiers,” na inilunsad sa ilalim ng DNA Music.

Sa bagong pop rock track, may hatid ding inspirasyon ang singer-songwriter para magkaisa ang lahat sa gitna ng krisis at inihahandog niya ito sa medical frontliners ng bansa.

Nagmula rin kay Arnel ang tunog ng “Your Soldiers” na may music arrangement mula kay Gabriel Tagadtad at ipinodyus naman ito ni Jonathan Manalo, creative director ng ABS-CBN Music.

Umani agad ng mga positibong feedback ang lyric video nito sa YouTube.

Sabi ni Victor Maala, “nice song Arnel….bravo, we are all soldiers fearlessly fight [ing] till the end against enemies attack…for no battle shall take long.”

Pinansin naman ni Jan Abellana ang tunog ng kanta na mala-1980s ang dating. Aniya, “I love this! 80s type vibe.”

Si Arnel ay isa sa mga tampok na mang-aawit sa ilalim ng DNA Music, isang record label ng ABS-CBN na nagbibigay-pugay sa galing ng mga Pilipino sa rock at alternative music. (Dondon Sermino)

Leave a Reply

Your email address will not be published. Required fields are marked *